Rojnameyê Kurdistanî

Rojnameyê Kurdistanî bi kurdkî rojnameyo yewin o.

Rojnameyê Kurdistanî 22’ê Nîsan 1898 de, hetê Mîqdad Mîdhad Bedirxanî ra Qahîre de, paytextê Misirî de, dest bi weşane kerdo. Hûmara 6’ine ra dima Evdirehman Bedirxan Begî weşanayîşê rojnameyî domnayo. Hûmara 1’ine ra hetanî 5’ine Qahîre de, 6’ine ra hetanî 19’ine bajarê Cenewre de, 20’ine ra hetanî 23’ine London de, 24’ine ra hetanî 29’ine Folkestone de û hûmara 30’ine ra hetanî 31’ine reyna Cenewre de ameya weşanayîş. 13 Nîsan 1909 de rojnameya “Kurdistan”î ameya girewtiş. Ziwanê rojnameyî bi kurdkî û bi tirkîya Osmanî bi. Nuşteyê kurdkî zafane bi kurmanckî, qismêk zî bi sorankî bî.

Destpêkê weşanayîşê Rojnameyê Kurdistanî, sey xebatêka neteweyî û rewşenbîrî hesebîyena. Roja destpêkê vetişê rojnameyê Kurdistanî ewro hetê heme dezgeyanê kurdkî ra û hetê Hikûmeta Herêma Kurdistanî ya Iraqî zî sey destpêkê rojnamegerîyê kurdkî yeno qebûl û pîroz kerdiş.

Çimeyî:

– Mehmed Uzun, Kürt Edebiyatına Giriş, Ithaki, Çapa 3., 2007
– Rojnameya Kurdistan, No1, 1898, Qahîre
– Mahmûd Lewendî, “İlk kürt Gazetesi Kürdistan (1898-1902)”, Kovara Berhem, hûmare 8, r.15-20
– Fetullah Kaya, Osmanlı Döneminde Kürt Basını, Marmara Üniversitesi Sosyal Bilimler Enstitüsü, Yüksek Lisans Tezi, Îstanbul, 2008, s.41
– Malmîsanij, İlk Kürt Gazetesi Kurdıstan’ı Yayımlayan Abdurrahman Bedirhan (1868-1936), Vate Yayınevi, 2009
– Malmîsanij & Mahmûd Lewendî, Li Kurdistana Bakur û li Tirkiyê Rojnamegeriya Kurdî (1908 – 1992), Özge, 1992

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir